បុរសស៊ីឈ្នួលកាប់ជ្រូកលក់ ទីបំផុតស្លាប់ដោយសារជ្រូកបាខាំដៃ
14-January-2016 | ដោយ មួយឡា
បន្ទាយមានជ័យ៖ បុរសវ័យកណ្តាលម្នាក់ បានស្លាប់បាត់បង់ជីវិតចោលប្រពន្ធនិងកូន៤នាក់ ដោយសារតែត្រូវជ្រូកបាខាំ តាំងពីព្រឹកទៀបភ្លឺថ្ងៃទី១១ខែមករា ហើយបន្ទាប់មកពិសជ្រាបចូលខ្លួនបណ្តាលឲ្យដាច់ខ្យល់ស្លាប់កាលពីល្ងាចថ្ងៃទី១៣ ខែធ្នូ ឆ្នាំ២០១៦ម្សិលមិញ។
ហេតុការណ៍នេះបានកើតឡើងនៅចំណុចស្តង់កាប់ជ្រូក ក្នុងភូមិគល់ស្ពាន១ សង្កាត់កំពង់ស្វាយ ក្រុងសិរីសោភ័ណ្ឌ ខេត្តបន្ទាយមានជ័យ។ សមត្ថកិច្ចបានឲ្យដឹងថា ជនរងគ្រោះមានឈ្មោះ គឹម ធួន អាយុ ៤១ឆ្នាំ ប្រពន្ធមានឈ្មោះ សៀង ពៅ អាយុ៤៦ឆ្នាំ ក្រុមគ្រួសារនេះមានកូនប្រុសស្រីដល់ទៅ៤នាក់ ប៉ុន្តែឥឡូវត្រូវនៅកំព្រា។
សមត្ថកិច្ចបានបញ្ជាក់ថា បុរសដែលជ្រកបាខាំស្លាប់នោះ កន្លងមកជាអ្នកស៊ីឈ្នួលកាប់ជ្រូកក្នុងស្តង់កាប់ជ្រូកអស់រយៈពេលជាង១៥ឆ្នាំ កន្លងមកហើយដើម្បីយកលុយមកចិញ្ចឹមប្រពន្ធកូន ។
មុនពេលកើតហេតុជនរងគ្រោះបានទៅកាប់ជ្រូកក្នុងស្តង់ជាធម្មតា តែចង្រៃចៃដន្យអ្វី ស្រាប់តែមានជ្រូកបាមួយក្បាល មកខាំដៃរបស់គាត់ ឈាមជោគចេញដៃក្រោយពេលជូតឈាមហើយបុរសនោះមិនបានទៅពេទ្យចាក់ថ្នាំ ដោយសំអាងថាជ្រូកខាំមិនមានរឿងអ្វីនោះឡើយ។
លុះចូលដល់ថ្ងៃទី១២ មករា ឆ្នាំ២០១៦ ស្រាប់តែពិសជ្រូកធ្វើទុក្ខជ្រាបចូលក្នុងខ្លួនប្រកាច់ពេញផ្ទះ ពេលនោះក្រុមគ្រួសារបានដឹកជនរងគ្រោះទៅមន្ទីរពេទ្យឯកជន តែគេអត់ទទួលព្យាបាល ព្រោះសំអាងថាបុរសនេះគ្មានសង្ឃឹមនឹងរស់នោះទេ ដោយពិសជ្រូកជ្រាបពេញខ្លួនក្រុមគ្រួសារក៏បានដឹកជនរងគ្រោះទៅមន្ទីរពេទ្យមិត្តភាពកម្ពុជាជប៉ុន ស្រុកមង្គលបូរី។ លុះនៅម៉ោង៧ល្ងាចថ្ងៃដដែលដោយសារពេទ្យមិនអាចជួយសង្គ្រោះបានក៏ស្លាប់តែម្តង។ សពត្រូវបានប្រពន្ធដឹកយកមកផ្ទះលុះនៅព្រឹកថ្ងៃទី១៣ ខែមករាឆ្នាំ២០១៦ ក្រុមគ្រួសារបានចាត់ចែងសពមកធ្វើបុណ្យតាមប្រពៃណី។
នេះជារឿងមួយ ដែលប្រជាពលរដ្ឋទូទាំងប្រទេសត្រូវចាប់អារម្មណ៍ពេលដែលមានករណីជ្រូកខាំត្រូវចាក់ថ្នាំជាបន្ទាន់ព្រោះពិសជ្រូកក៏ដូចពិសឆ្កែដែរ អាចបណ្តាលឲ្យស្លាប់បានដូចគ្នា៕ ដោយ មែន កំសត់
ចំនួនអ្នកទស្សនា
- ថ្ងៃនេះ431
- ម្សិលមិញ15191
- សប្តាហ៍នេះ43581
- ខែនេះ65461
- ឆ្នាំនេះ65461
- សរុប20507917